حقيقة من ضمن حقايق

حقايق عشان تعرفيني!
لو يعني عاوزه تعرفيني ومقرره…
انا جوايا غضب زي ما بتقولي…
غضب باين للكل!
بيشكل ملامحي الجامده احيانا!
لكن جوايا قلب كبير…
قلب متكسر!
قلب موجوع شويه…
قلب متأثر…
بكل اللي عدى عليا…
وفكره كتير بتتغير،
خلينا نقول انها أفكار،
وحلم… الصح انها احلام كبيره قوي،
وكتيره كمان!
وتوهه…
ونووول بينسج فرحه،
وحب كبير،
ووحده بتعذب!
وفكره واحده بتفضل…
ونار …
ووجع…
وراحه لما بس بشوفك او بلمس ملامحك اللي محفوره جوايا…
وعجز كمان احيانا…
ومسافه…
واحساس مبيتصنفش غير انه جريمه…
وعقاب ذاتي..
وقدر…
ورغبه في الاحتفال بالهزيمة…
وبكا مكتوم…
ومشاعر ملخبطه ومجروحه…
وبعد إختياري…
والسؤال: هعيش من غيرك؟
الجواب: هعيش مع الذكريات، لو مقدرتش اني اعيش بالحلم…
والغضب والحب والامل والوجع والفرحه والانكسار واللهفة والهزيمة…
وده اللي ممكن يتسمى حقيقه من ضمن حقايق ممكن بيها تعرفيني.