هى لازم تكون كده..
أيام مشابهه لبعضها..
لكنها..
وبحسب المقاله ..
حاجه تزهق ..
بتصيب بحاله..
من الملل المركز..
إللى مكوناته عاوزة اربع مرات ضعفها ميه..
عشان يادوب يتظبط.. وتقدر تتعامل معاه..
بس ساعات..
مش فى كل الاوقات..
تعاند وتكابر وتحاول كتير ..
والنتيجه فى الاخر..
حاجه زى الـــــــــــ
إللى بيقولوا عليه ..
بتمل من محاولة كسر الملل..
وأهو كله شبه بعضه..
وهو ده الاكتشاف الجديد…
لسه بتحلم؟؟
هو سألنى.. فى زيارته القصيرة قوى ليا فى المكان الجديد إللى أنا أرتضيت أكون فيه،
قلتله أيوة..
لسه بحلم ..
يعنى أعيش أزاى من غير حلم..
بحلم..
سابنى ومشى بعدها..
وانا كملت إللى كنت بعمله.
بدور عليها كتير..
وبلاقيها جوايا..
بس مش عارف أخرجها..
أصل أنا عاوزها فى موضوع مهم..
عاوز أحكيلها على حاجات كتير..
عارفين..
أنا عارف انها عارفه إللى انا عاوز أقولهولها ..
بس أنا عاوز أقوله ليها..
ساعات زمان ..
زمان قوى..
أو يمكن زمان القريب إللى كان لسه هنا ده قبل ما أتخانق معاه وأقاطعه..
كنت بس ببص ليها..
كانت بتفهم..
مع ان كان بينا مسافات وأختلافات كبيرة..
بس كانت بتعرف..
وهى برضه كانت بتحكى..
بتلخص همومى وبتقولى حلول..
وأنا عاوز المرة دى أكلمها..
مع انى عارف انها عارفه انا عاوز اقول ايه ..
انما محتاج اقولها بصوت..
الصوت مسجون..
وهى سمعاه..
بس انا بدور عليها ..
وبقال كتير..
انا عارف انها جوايا ..
جنب الصوت المسجون جوايا بالظبط..
على فكرة أنا حاسس انها شبهه..
زمان..
زمان إللى بعيد بقى وكنت بحبه قوى..
وكنت بقعد أحكيلة على اى حاجه كنت برضه بلاقيها ومكنتش بحس انها مش موجوده..
مش مهم زمان القريب وزمان البعيد..
المهم انها تبقى هنا من جديد..
زى ما بشوفها ..
زى ما بلاقيها..
أنا بدور عليها وعارف انها هنا..
جوايا..
جنب الصوت المسجون.
once we accept our limits we go beyond them , so keep dreaming ..
Comment بواسطة loby — أكتوبر 6, 2007 @ 5:13 ص |
صحيح نعيش أزاى بدون حلم .. كلمات جميلة و رقيقة.. و أمر مفرح أن لسه فى ناس بتحلم
تحياتى
Comment بواسطة أريـــ [ السمر ] ــــج — أكتوبر 9, 2007 @ 5:57 ص |
يكفيك شعورك المؤكد بأنها تعرف ما تريد قوله
و ربما تجدها يوما
Comment بواسطة albardeya — أكتوبر 18, 2007 @ 6:57 م |
هانعيش بالحلم الاسلامي
بدولة عدل وحب وخير
فيها الفقير زي الغني والمسلم زي القبطي
هو دة الحلم
( معا نصلح الدنيا بالدين)
Comment بواسطة حبيبك يا محمد يا حسن وافتكر ايام ومان — أكتوبر 20, 2007 @ 5:45 م |
فاكر البيت والعيلة واللمة والمعهد
والمدرسين وتعليمنا القران
لو انت فاكرهم يبقي انت لسة محمد حسن بتاع زمان ولو نسيت ناسك هاتنسي نفسك وتفضل زي ما انت
ماشي ورا حلم فاسد بدنيا فاسدة
انا سعيد ان لي صديق بقي في شهرتك
لكن حزين عليك وعلي اللي انت بقيت فية
Comment بواسطة حبيبك يا محمد يا حسن وافتكر ايام.زمان — أكتوبر 20, 2007 @ 5:48 م |
if it s unbearable …read and read and read some more books…the book is the best friend ull have that makes u smarter…take care of urself , eat well , sleep well and give urself some space if u can. all the best.
snowflake
Comment بواسطة SNOWFLAKE — أكتوبر 29, 2007 @ 6:06 ص |
Alf mabrook for emad and for every one ..Mohd i know ur happy too
hwa islam ystahel aktar bs yalla …
congratulations again
Comment بواسطة rasha — نوفمبر 6, 2007 @ 9:55 ص |
كنت كتبت قبل كده على هى فوضى
ممكن تزورنى لو تحب تقرا عن الفيلم
kelmety.blogspot.com
Comment بواسطة Mirage — نوفمبر 28, 2007 @ 10:47 م |
سلامو عليكو
بصيت بصه على مدونة سعاتك .. و رغم ان انت منشف ريقي من ساعة مارحتلك ملامح .. الا ان لي تعليق واحد ماقدرتش امسك نفسي لازم اقوله .. كتابتك بيسطة .. تنفع كلام في زحمة .. في ودان واحدة
يلا .. منك لله
Comment بواسطة mostafa — ديسمبر 1, 2007 @ 3:48 م |
كلامك حلو بس نسق الكتابه شوية مزيد من التوفيق ان شاء الله
Comment بواسطة mikkaa — ديسمبر 2, 2007 @ 2:04 م |
يا تري احلى حاجة في الحلم انه بيتحقق…ولا انه مبيتحققش
تحياتى ليك على البوست الجميل ده
Comment بواسطة شاب مصري مفروس — ديسمبر 4, 2007 @ 3:19 م |
جزاك الله كل خير ,جعل ذلك فى ميزان حسناتك.
Comment بواسطة worldgames1 — أكتوبر 13, 2008 @ 11:55 م |
بارك الله فيك ووفقـــك للخير
Comment بواسطة الفارس — مايو 2, 2009 @ 4:52 ص |
اسعد الله ايامك تدوينه رائعه
Comment بواسطة على — مايو 15, 2009 @ 7:22 ص |
اسعدك الله واكرمك ..
Comment بواسطة مروان — مايو 24, 2009 @ 10:01 ص |