فجاه محمد الشرقاوى بقى من ضمن أهتمامات صحفى تبع الكتيبة الامنية اللى شغلتها مهاجمة شباب قوى التغيير..
طبعاً الكتيبة الامنية بتختلق وقائع ..
وبتكذب زيها زى النظام كله ورموزه…
بس فجاه بقى فيه موضوع ..
بسبب حته البتاع إللى اسمه محمد حجازى وبصراحه مكنتش عاوز اتكلم عن الموضوع ده..
بس عموماً هو حر يتنصر يكفر يبقى بوذى يرجع مسلم ..
هو حر لأن ده بيمسه هو بس ..
ومش بيمس اى حد تانى ..
حتى لو هو قال انه المنسق العام لحركة كفايه..
كل واحد فى الحركة بيعبر عن شخصه..
حتى عبد الحليم قنديل اللى بيطلع قرارات بتاعته هو وباسم الحركة بيعبر بس عن نفسه..
كفايه فكره مش أفراد..
وربنا قال من شاء فليؤمن ومن شاء فليكفر..
حريته الشخصية بتكفله حق الاعتقاد والتفكير فيما يحلو له..
على أى حال ده مش موضوعنا برضه..
فجاه بقى محمد على ابراهيم الصحفى اللى مسكوه رئيس تحرير جريدة الجمهورية مكان سمير رجب أفتكر أنه لازم يسدد ديونه ويرد الجميل للى عينوه فبدأ يهاجم حركة كفاية..
وبيلوش..
وتحت خبر نزل فى الصفحه الاولى يوم الاثنين بعنوان :
هانى عنان واسحق يزورون والد حجازى.. قال فيه انى اتنصرت..
فجأه ننوس عين أمه أكتشف لوحده وقرر بذكاءه الألمعى انى اتنصرت..
طيب مش لما هقرر قرار زى ده مش كنت هقولك برضه وأهو أضمن حملة تهليل .. جتك البلاوى..
المهم بالنسبة لى انك كداب واذا معتذرتش فانا هرفع عليك قضية وهنشوف..
انا اتعذبت وفضلت مسجون 3 شهور ونمت فى الشوارع متضامن مع القضاه وانت كنت بتكتب متضامن مع شلة البلطجية..
وانت مش جديد عليك ولا على اللى سبقوك انهم اشتغلوا مخبرين لظباط أمن الدولة ..
انا بقى يا حيلة ماما اسمى محمد الشرقاوى..
لسه محمد الشرقاوى..
ومع حرية الانسان فى أختيار ما يشاء وقتما يشاء..
اغسطس 22, 2007
مش بيقولوا أنى اتنصرت وهما بس اللى عارفين ومخبيين عنى
تعليقات »
خلاصة "RSS" للتعليقات على هذه التدوينة. عنوان التتبع
طول بالك يا شرقاوي، مش يمكن تكون اتنصرت وانت مش واخد بالك؟هو لازم يعني تكون علي وعي بالتغييرات العقدية التي بتحصل جوه قلبك وعقلك؟
يومين كده وابقي دور مين عارف، مش يمكن تلاقي نصرانية في قلبك علي غفلة.
تعليق بواسطة مختار العزيزي — اغسطس 22, 2007 @ 10:21 ص |
نحن نشكر المؤامرة الصليبية التنصيرية والأخ “المبشر” جورج اسحق إنهم كانوا سبب في “هدايتك” أخيرا ورجوعك للمدونة بتدوينة مشاغبة كالعادة
عودٌ أحمد
(طبعا دا قبل ما أحمد يتنصر ويبقى اسمه جورج)
واحشني يا زعيم
تعليق بواسطة مينا زكري — اغسطس 22, 2007 @ 1:15 م |
أنت عاوزنا نصدقك أنت يا مدون يا فاقد المصداقية (و كمان “علماني” و العياذ بالله) و نكدب الصحف القومية؟ هم عارفين ال في نفسك من غير ما تقول، و حتى لو قلت.
تعليق بواسطة ألِف — اغسطس 22, 2007 @ 10:30 م |
والله علاء سيف قالها كلمة حكمة: الصحفيين لازم يشوفوا لهم شغلانة شريفة بقى
مش عارفة يا محمد اذا كان
ده تخطيط من الامن وللا ده صحفي ضريب زي بقية الصحفيين الضريبة الصحافة كلها دلوقت بقت ضرب موضوعات كل الصحف كلللللللها بلا استثناء بتضرب موضوعات
وبعدين تعالى هنا ياللا انت مش كنت بهائي بامارة المصري اليوم؟ ودلوقت مسيحي بامارة الجمهورية اليوم؟ كده طيييييب انا ح اطلع جرنال مخصوص واكتب انك بقيت هندوسي واسمي الجرنال النخع اليوم
تحياتي يا قمر
الحمد لله انك كتبت تدوينة تاني بعد ما كنت دالقنا يا عم
وبرضه ح تفضل ابني
مسلم مسيحي يهودي حبشتكناتي
تعليق بواسطة نوارة — اغسطس 23, 2007 @ 5:36 م |
شرقاوي ياحبيبي انت عارف انهم ولاد كلب بيحبو يروجو للاشعات ضد المعارضة وخصوصا كفاية انت عارف قد ايه هما بيكرهو كفاية وطبعا حكياة انك اتنصرت دي مقصودة 100في 100
وارفع قضية يامحمد بجد علشان دول شوية كلاب
انا زعلت جدا لما قريت الخبر
علي فكرة انا اول مرة اكتب تعليق في البلوج بتاعك بس انا اعرفك من زمان عن طريق المظاهرات والبلوجز التانية
متزعلش نفسك
تعليق بواسطة mado — اغسطس 24, 2007 @ 1:26 ص |
=D welcome back , a7′eran katbt 7aga
تعليق بواسطة loby — اغسطس 24, 2007 @ 2:55 ص |
يا عم سيبك المهم أن القس جورج إسحق والراهب هانى عنان والشماس شرقاوى بخير ممكن أعرف هما هايستفيدوا إيه ؟ من كل إللى بيعملوة والله هما ذى الفران دلوقتى والذئب الجريح لازم يرفص والنظام بالكامل دلوقتى بيرفص
المهم أنك تفضل ذى ما أنتا ويا جبل ما يهزك ريح
مع تحياتى
تعليق بواسطة المجنون — اغسطس 24, 2007 @ 1:37 م |
تصدق يالا انك بجد طلعت عبيط انك زعلت ….وتزعل من مين ..من محمد ابراهيم..ده مرفوع عنه القلم…بذمتك ده حد ياخد عليه…تلاقيه بس كان مالى التنك بتاعة واللى دايما بيتكلم عليه وجاتله تخمة..ولا يمكن كان بيهلوس بكفاية والمدونين….
ولا مفقوع منك انك ارجل منه ومن المخبرين اللى مشغلينه…سيبك منه وكبر …اصله عبيط
تعليق بواسطة ياسر — اغسطس 24, 2007 @ 1:42 م |
ya ragel 7aram 3alek enta dayman zalemhom keda, feeha aih ya3ny lamma ye2olo 3alek ennak etnassart mn 3′er mate3raf???, mesh eldeen lellah w elqera2a lelgamee3 bardo???
تعليق بواسطة sep13feb28 — اغسطس 24, 2007 @ 6:35 م |
انا عاوز اقولك يا اخ محمد انك مش اول واحد يتقال عليه كده وبعدين ياعالم مش يمكن كمان يومين يقولوا انك من المتآمرين على النظام اياه بتاع الحاج ابو جمال ربنا يسترها عليك انت والشباب الرجاله
تعليق بواسطة مصطفى محمد — اغسطس 24, 2007 @ 11:07 م |
عادى .. وإيه يعنى ؟؟
يعنى هيا اول ولا اخر مرة نشوف تفانين فى الكدب من الصحافة
انت اتنصرت غصبن عنك … انت هاتعرف احسن من الحكومة ؟؟
لو انا منك .. ارفع قضية اطالب فيها بنشر تكذيب وبالاعتذار .. وبتعويض كمان
انت راجل .. وهتفضل راجل يا شرقاوى ..
تعليق بواسطة سبارتكوس — اغسطس 25, 2007 @ 2:32 ص |
I wish you all the success.
تعليق بواسطة M. BADR — اغسطس 25, 2007 @ 3:53 م |
2alla enta etnassart men emta?
تعليق بواسطة basmalahh — اغسطس 25, 2007 @ 10:00 م |
يا محمد بجد اثبتلي انكم كلكم علي بعض مش بتفهموا حاجة يا عبيط(عدم اللامؤاخذة)
السيد الموقر محمد ابراهيم جاب النتيجة دي من الكنترول
متقلقش بكرة لما يعلقوا النتيجة وتلاقي اسمك ضمن المسيحين هتتاكد انك فعلا مسيحي
دة انتا تبوس ايدك وش وضهر انه عملك خدمة وجابلك النتيجة من الكنترول قبل حتي انتا ما تعرفها
ويجعله عامر(مع الاعتذار لاحمد رجب)
تعليق بواسطة just_human — اغسطس 26, 2007 @ 4:42 ص |
يا محمد باشا ارجوك ارفع قضيه على الصحفى الفاشل ابو جهل المفجوع بتاع لحم البعرور يمكن تخبط عشرين الف زى يوسف البدرى الاهبل
تعليق بواسطة Masri — اغسطس 26, 2007 @ 7:52 م |
[...] الجمهورية وهنا تعليق من محمد الشرقاوي نفسه على مدونته إضغط هنا ثم يأتي من يتساءل عمن وراء الفتن الطائفية ونشر هذه [...]
التنبيهات "Pingback" بواسطة يا أخى احا » عاجل - هو محمد الشرقاوي بقى مسيحي يا رجالة — اغسطس 27, 2007 @ 12:28 ص |
يا عم انت مش كنت خلاص بهائي؟ ماتخوتناش بقى
تعليق بواسطة بهائي مصري — اغسطس 27, 2007 @ 8:41 ص |
ده قدر كل ناشط لحقوق الانسان ربنا معاك ويقويك
تعليق بواسطة Smile Rose — اغسطس 27, 2007 @ 8:57 ص |
انت حتعرف احسن من محمد على ابراهيم دا طباخ ماهر بيعرف يسبك الطبيخ يبقى مش حايرف يسبك الخبر يارتدادى يامتارجح
تعليق بواسطة نشط — اغسطس 27, 2007 @ 12:49 م |
بس يا عم الدين الله و الطن للجميع كلمة بسمعها كتير بس الظاهر ان الجرابد الحكومية ملهاش مبيعات و انها فلست و قالت اعمل موضع فبركة و ابيع انت عارف النظام بس لاازم يكون فية حملة نقاطع بيها الصحف دى انا على نفسى بقالى سنتين مشترتش جرنال حكومى ولا بتفرج على التلفزيون المصري اساسا كلهم ولااد كلب و لاازم نعلمهم الادب
تعليق بواسطة amr — اغسطس 28, 2007 @ 3:03 ص |
حد يا خد على كلام متناك
تعليق بواسطة mino — اغسطس 29, 2007 @ 12:20 ص |
ربنا يقويك ياشرقاوي ويبعد عنك ولاد الهبل دول ، انا مدون جديد ياريت تبقى تزورني وتقول لي رأيك في موضيعي
وربنا يحميك يامان
مدونتي tamermtmo.wordpress.com
تعليق بواسطة متمو — اغسطس 31, 2007 @ 11:52 م |
احا مش الحكومه دي هيه اللي عارفه كل حاجه واحنا ماشيين بحسها يبقي هيه فعلا صادقه وانت مش عارف يبقي من الاخر احا لنا وفلتحيا الحكومه
تعليق بواسطة wow — سبتمبر 1, 2007 @ 11:27 ص |
اية دة ياجماعة
تعليق بواسطة kaka — سبتمبر 1, 2007 @ 5:30 م |
يابنى افتكر كويس مايمكن اتنصرت وانت موش واخد بالك انت عارف ان دي حاجة ممكن تحصل فى ساعة شقاوة تكون نسيت تاخد الحباىة
تعليق بواسطة كفايست — سبتمبر 3, 2007 @ 12:47 ص |
ازيك يا شرقاوي
كنت متاكد أن الخبر ده كذب
رغم ان فى ناس أكدت لي الخبر
وطبعا أمن النظام من زمان أوي حاطينك فى دماغهم
يا راجل ده حتى من أيام صوت الشعب الالكترونية
الناس دى على فكرة مش بتحمي النظام
لا دى بتحمي نفسها وبس وميهمهاش الا مصلحتها
الناس اللى فى العسس بتعمل كدة
لانها عارفه مصيرها لو النظام ده انهار فى أي لحظة
لان مصالحها مرتبطة بوجود النظام
والبزنس بتاعها
وسلطاتها ونفوذها
وطبعا اللى بيكتبوا دول مش ممكن يكونوا صحفيين
دول موظفين أو مخبرين
زي عبد الله كمال وكرم جبر
وممتاز القط
وأسامة سرايا
واسمه ايه محمد على ابراهيم ده
وبعدين من شعوعي الى سلفي الي متنصر
حيرتهم معاك مش عارفين يصنفوك
يخرب عقلك يا مجرم
الفرق بينا وبينهم يا شرقاوي
اننا بنحب مصر وعاوزينها تكون احسن
وهما بيحبوا نفسهم وبس
وعلشان كده جيلنا هينتصر وهما مصيرهم اول مزبلة
تحياتي
وفي انتظار الاتهام المقبل
تعليق بواسطة أحمد أبو القاسم — سبتمبر 3, 2007 @ 8:31 م |
ya sedi homa 3awzeen ykfrooona….bye3mlo m3akom kol 7aga 3shan ykfroko….wento bardo mkfrtoosh
wala 7atta tle3to mn hdomkom…2allak el 7al el w7eed enohom ykfrona fe el graayed….7asbi rabbi ya 3am…w rbena ys
تعليق بواسطة 3mooor — سبتمبر 9, 2007 @ 3:22 ص |
ya 3am fokak law atnasraet we a3mlfeha ank atnasrt we arf3 3alehom adya we atolb a ta3oedd
3ashan ya7ramo
تعليق بواسطة bosا — سبتمبر 22, 2007 @ 4:40 ص |
اول مرة ادخل فيها على هذه المدونة واعجبني الموضوعات المتنوعة فيها
والله يعينك ياشرقاوي
تعليق بواسطة thelightway — سبتمبر 26, 2007 @ 12:26 ص |
ايه يا بنى طول بالك شويه واصبر وكل سنه وانتا طيب وانا زعلان منك اوى
إسلام حنفى
حزب الغد
تعليق بواسطة إسلام حنفى — سبتمبر 30, 2007 @ 2:49 م |
تحياتى
اقرأو
شعر سياسى
عبد الرحمن الابنودى ..يئن
اسلام صبحى
http://islamsobhy.blogspot.com/
تعليق بواسطة hslam — أكتوبر 25, 2007 @ 2:57 ص |
هااهاااا
انت مش قالوا عليك بهائي بردو
ايه الحكاية؟؟؟
حقيقي حاجة تشل، اى شخص يبقى متضامن مع فكرة حرية الاعتقاد يبقى مش مسلم
وكأن حرااام ان تكون مسلما وتحترم بقية العقائد الآخرى ولا تكفرها؟؟؟!!!؟؟
بصراحة احترامي لك يتزايد وربنا معك
تعليق بواسطة اسرة بهائية من مصر — فبراير 27, 2008 @ 5:18 م |
جزاك الله كل خير ,جعل ذلك فى ميزان حسناتك.
تعليق بواسطة worldgames1 — أكتوبر 13, 2008 @ 11:53 م |
بارك الله فيك ووفقك للخير
تعليق بواسطة الفارس — مايو 2, 2009 @ 4:51 ص |
بارك الله فيك ووفقـــك للخير
تعليق بواسطة الفارس — مايو 2, 2009 @ 4:51 ص |
اسعد الله ايامك تدوينه رائعه
تعليق بواسطة على — مايو 15, 2009 @ 7:22 ص |