كتابات

أبريل 28, 2007

الله ينكد عليك يا موكوس

يندرج تحت تصنيف : أسفارى, تعليقات, حسنى مبارك, مدونين — sHaRkAwY @ 9:00 م

gd-collection.jpg
حسنى كبارى ومعتقلات.. إزيك كده ؟؟
مش كفايه بقى؟؟
جيمى ..
جواز مبارك.
ديجا..
حطية فى عينك..
جيمى تانى ..
خديجه آه .. مصر لأ.

كنت فى الفيوم قريب وبصراحه منبهر جداً بيها،
الصحرا والمياه والجبال والزرع حاجه جامده جداً..
أصحابى قالولى :”أمال هتعمل أيه لما تشوف سينا”؟؟
وأنا من زمان نفسى أزور سيناء..
من أول شهر 4 بنحاول نحجز فى أى مكان هناك غير شرم الشيخ وإللى بكرهها لله فى لله!!!!
مفيش حجز..
طيب أى حته تانية فى الجوار…
مفيش حجز..
عمر رياض قالى انه هيظبطنى فى مكان كويس هناك…
يبقى شبه بساطه كده…
بصراحه انا معرفش أيه هى بساطه دى .. بس بيقولوا انها مكان بسيط فى نفسه كده :)
وبدأت أحضر نفسى بقى لزيارة الأراضى المقدسة الأخرى..
أجازة محتمل تبقى 6 ايام هتبدأ يوم 1 مايو..
هتبقى لطيفة انى اقضيها فى سينا..
يعنى من الأثنين لحد الاحد اللى بعده أجازة ..
بس طبعاً أحنا طول الوقت متنكد علينا …
مينكدش عليا جيمى ليه..
هيعمل الفرح يوم 4 مايو يوم عيد ميلاد إللى واكسنا الهى ربنا يحسرة ..
عيد ميلاده ال 79 ..
ايه بقى يا عم مش كفاية على الشعب ده كده ..
79 سنة خدمة للشعب ..
هم وغم وقهروتعذيب ونهب..
والله انت كده عداك العمر بعمر..
وكفايه على الشعب كده بقى …..
المهم جيمى هيعمل فرحه فى سيناء …..
والناس اللى شبهى مش هيقدروا يعتبوا النفق ويمكن منقدرش نطلع طريق السويس نفسه..
وخلاص باظت الأجازة ولا بديل عن الأحتفال بجواز جيمي و ديجا في ميدان طلعت حرب

تعليقات »

  1. ألف مبروك للموكوس وأبوه
    المهم الاحتفال يا معلم هيبقى الساعة كام؟
    بس أنا المرة دي هطلع ناصح وأطلع أحضر الاحتفال في نقابة الصحفيين أروق
    :D

    Comment بواسطة مراقب مصري — أبريل 29, 2007 @ 3:30 ص |

  2. عداه العمر بعمر ايه بس .. دا ابوه مات عنده 126 سنة من غير طب رئاسة ولا سيليكون و لا زيبق احمر .. وجاتلي اخبار كمان انه هو اللي هيحاسب الناس في الاخرة

    Comment بواسطة CAESAr-DIABLo — أبريل 29, 2007 @ 12:53 م |

  3. فرح ايه وهلس ايه
    يا عم روح سينا ابرك لك
    انا موضوع فرح جمال ده مش داخل دماغي
    بنحاول نقول ايه بالضبط

    Comment بواسطة wael — أبريل 29, 2007 @ 1:12 م |

  4. looooooooool bgad ya 3omar ?? :D heheee
    a7eeeeeeee y3ne donia we a7′ra warak warak :D
    m3lash ya sharkawy…
    2deeha hena b2a we 2nzal el fara7..

    Comment بواسطة loby — مايو 2, 2007 @ 4:03 ص |

  5. ايه دة ، كنت رايح سيناء و انت عارف انه لازم تحتفل بعيد ميلاد مولانا بطيخ ، بجد حرام بقى 79 سنة كدة كثير اوووووي ، هو عزرائيل ماله مش واخد باله من شغله ليه؟ يلا ما علينا دستور يا سيادنا و طبعا مش عزرائيل ، دة الاخوة ، خليفته في الارض.
    سيبك انت مفيش احلى من مصيف طلعت حرب باشا
    :S

    Comment بواسطة سارة نور الدين — مايو 3, 2007 @ 11:21 ص |

  6. WORDS LACK IN MOMENTS LIKE THAT…….

    Comment بواسطة SNOWFLAKE — مايو 9, 2007 @ 1:01 م |

  7. يا شرقاوى أنا برضه بحب الفيوم قوى من أكبر و أفقر محافظات مصر و الوحيدة فيها بدو و صيادين و فلاحين حاجة مخصوصة جدا ( و أستقر فيها الغجر و العبيد السود من زمان ) شرم الشيخ ممكن ما تعجبكش فعلا لأنها مفيهاش كورنيش تخيل بلد على البحر ما تشوفش البحر فيها إلا بتذكرة بايخة مش كده ؟ عموما يا معلم عايز تهيص فى سيناء بتراب الفلوس روح كامب راس شيطان البحر قدامك و أكلك معاك أو من الكامب ليلة البيات ما بين 20 30 جنيه ما فيش كهرباء كلها شموع و مسموح بالمخدرات على الشط بيس يا مان و أدعيلى

    Comment بواسطة donia — اغسطس 18, 2007 @ 3:32 م |

  8. ya raytny lya feeha ya donia ,,,
    bs ana khalas bakoem nafsy we 3awez a3mel bait..
    wala enty eah ra2yek??

    Comment بواسطة sharkawi — اغسطس 19, 2007 @ 10:46 م |

  9. ذنبك على جنبك يا معلم، ما تبقاش تقول ما لحقتونيش ليه

    Comment بواسطة donia — اغسطس 20, 2007 @ 1:03 م |

  10. من الحب ما قتل
    وعين الحسود فيها عود
    ربنا يستر عليكم

    Comment بواسطة sagi — أكتوبر 23, 2007 @ 5:36 م |

  11. أكيد خلفة الكلب كلب
    و قالوا في شتمة قديمة
    للوسخ يا ابن الكلب
    و عشان يكون ابن حلال
    لازم تكون الأم من ذات الفصيلة
    للكلب الأب المحب
    فيا منتظرين الوليد الخليفة
    أكيد أن ذات الكلب
    من ذات الأب الكلب
    من ذات الأم الكلبة
    من ذات الخرابة القصر
    آسف ذات الخرابة السكن
    أكيد و المنتظر لن يكون سبع
    أكيد و المنتظر حايكون كلب ابن كلب

    Comment بواسطة سامي — فبراير 18, 2008 @ 9:49 م |

  12. المفروض نتكلم بادب شويه عن واحد خدم البلد وعمل كتير علي الاقل بصوا للبنيه التحتيه للبلد من تليفونات وكهرباء ومياه وصرف صحي وشوف الفرق من التمنينات ودلوقتي عيب بلاش الطريقه دي الي جيبانه ورا

    Comment بواسطة محمد حمدي — أبريل 5, 2008 @ 5:06 م |

  13. جزاك الله كل خير ,جعل ذلك فى ميزان حسناتك.

    Comment بواسطة worldgames1 — أكتوبر 13, 2008 @ 11:51 م |

  14. ربنا كبير – واللى مش هنلاقيه هنا انشاء الله هنلاقيه فى الجنه -
    وكل نار تصبح رماد مهما تزيد

    Comment بواسطة الدايخ — أكتوبر 30, 2008 @ 4:16 م |

  15. يا جماعة حرام عليكم كده هو صحيح فيه مساوئ كتير جدا بس مش منه لوحدة والراجل عمل كتير وكفاية انه ما دخلناش في اي حرب وبيتفادي مصايبها اي نعم احنا هنا مش لاقيين ناكل بس كله عند ربنا
    شكرا

    Comment بواسطة etsh — نوفمبر 13, 2008 @ 10:34 ص |

  16. ياجماعه عيب بجد كدا ايه الكلام دا المفروض في أدب واحترام في كلامنا شويه مش عشان حاصل كتير في بلدنا مش عاجبنا هنشتم في الراجل وأهلو خلينا احنا المحترمين للأخر عشان ربنا يرضى عنا ويصلح أحوالنا وكله بثوابه وعند ربنا

    Comment بواسطة sokara — مارس 15, 2009 @ 3:03 م |

  17. بارك الله فيك ووفقك للخير

    Comment بواسطة الفارس — مايو 2, 2009 @ 4:50 ص |

  18. اسعد الله ايامك تدوينه رائعه

    Comment بواسطة على — مايو 15, 2009 @ 7:20 ص |

  19. اسعدك الله واكرمك ..

    Comment بواسطة مروان — مايو 24, 2009 @ 9:59 ص |


خلاصة "RSS" للتعليقات على هذه التدوينة. عنوان التتبع

أضف تعليق

يجب أنت تكون مسجل الدخول لتضيف تعليق.

المدونة لدى WordPress.com.