أصدرت محكمة جنايات الاسكندرية اليوم الحكم بسجن المدون كريم عامر 4 سنوات ..
وتفصيل الحكم ..
3 سنوات بتهمة أذدراء الاديان وسنة سجن بتهمة أهانة رئيس الجمهورية..
الحكم مقلق وضد حماية حق الرأى والتعبير وممكن يبقى بداية لسجن النشطاء بتهمة أهانة الرئيس..
يسقط يسقط حسنى مبارك………
مش عاوزينة مش عاوزينه.. مهما يقولوا اننا بنهينه
مطلوب حملة تضامن مع كريم والدفاع عنه وعن حرية الرأى والتعبير،
وهنسيبنا من أى دعاوى اننا بنتضامن مع مدون كافر..
احنا بنتضامن مع مصرى منتهكة حقوقه..
زى ما بنتضامن مع الاخوان المتحولين لمحاكمات عسكرية لانهم كمان منتهكة حقوقهم..
فبراير 22, 2007
الحكم بالسجن 4 سنوات لكريم عامر
تعليقات »
خلاصة "RSS" للتعليقات على هذه التدوينة. عنوان التتبع
لاشك اننى لست ضد حرية الفكر
او الراي والتعبير كحقوق انسانية مشروعه
ولكن فى ظل نفس الحقوق هناك واجب احترام الغير واحترام معتقداتة وشعائرة وايمانة
لا اعتقد لو ظهر شخص ما واهان المسيحيين وهان عقيدتهم او سفه منها سوف ندافع عنه بحكم حرية التعبير بالعكس سيقف جميعنا ضده وسنقول علية ارهابي ورجعي وجاهل ومجرم وسيعاقب ايضا
حتي لو تطرق اى شخص لنقد عقيده ما من وجهه نظرة
فيجب ان يتصف النقد بمعايير منطقية واخلاقية
وليس من حق شخص ان يتصدى لشخصية معينة
بالنقد او الاهانة والتجريح والاسفاف
ويقول انة يمارس حقة فى التعبير
وبالفعل ان كنا بنحترم القانون
فهناك مادة من نصوص القانون تنص على تجريم ازدراء الاديان وهو ما فعله كريم عامر بحق الدين الاسلامي
وبالرغم من ذلك لا اري كريم اكثر من شاب بسيط فى تفكيرة وادراكة وان كان خطأ فى شئ
فمراعاه لصغر سنة كان يجب الحوار معاه بهدوء
وتوضيح مواد القانون الخاصة بالسب والقذف وازدراء الاديان التى نجهلها غالبا نحن المدونين
بالنسبة لتهمه سب رئيس الجمهورية
فبالرغم من انها ايضا تهمه طبقا لنص القانون
الا ان معاقبة كريم وحده عليها ظلم
اذا كان حتما ولا بد ان تنفذ فعليهم معاقبه
خمسة وسبعين مليون مصري
شكرا يا محمد
تمنياتي لك بالتوفيق
تعليق بواسطة الزعيمة — فبراير 22, 2007 @ 12:53 م |
كريم عبر برأيه عن حاجة تخصه في مدونته الشخصية , كل يوم في هانات بتحصل للدين المسيحي هل الناس بيتقبض عليها؟
بغض النظر عن اتفاقي او اختلافي مع كتاباته , كريم كبش فداء
دين أبو حني زفت مبارك
تعليق بواسطة قطر الندى — فبراير 22, 2007 @ 1:22 م |
صة http://www.hapasa.blogspot.com
ejymejy@yahoo.com منذر wrote
أوعى تكونوا عرفتوه
لحسن يقولكم اتفوه
ده احنا هانزفوه
وكمان هنروؤووه
طبعا مش ترباس
مش علشان بن عباس
يبقى علطول محتاس
وبيشتم فى قناة الناس
واوعوا تقولا نسناس
عيب عليكم يا ناس
صاحب منهج التحمير
وكمان التشخير
والشوي والتنظير
وقال ثنائى التنفير
وهايتهمنى بالتكفير
أصله صاحب منهج
التحمــــــــــــــــير
فى شلة بتزيط
لما ييجى يعيط
ولو حد قاله بم
يطلع من بؤه ياسم
وهو ماعندوش دم
هايقلولى انت ساطحى
وكمان مابافهمش
أصله بيكره ناطحى
وأنا ما باسألش
طبعا شلته هاتزيط
وتمسح دموعه وهو بيعيط
ويقولوا دول ناس مابيفهموش
ده انت الى متسيط
طلع فى الجزيرة
فى قناة الخطيرة
وكمان فى المحور
وع الدائرى بيدور
دريم كمان جابته
فى العاشرة خادته
وقعد يرغى يقول
كلام مش معقول
يخليك تحبه على طول
بس الكدب
مش بيطــــــــول
حباصة
مواطن حاف
لا هو بيه ولا باشا
بيحلم بيوم الزفاف
وانه من العسكر ما يخاف
تعليق بواسطة monzer — فبراير 22, 2007 @ 3:40 م |
والله الواحد مش عارف يقول ايه؟ وسط كل هذا الزخم من كبت الحريات و الاعتداء السافر على حرية التعبير و احتلال مبارك للمرتبة الثامنة عشر فى قائمة الديكتاتوريين من العادى ان يصدر مثل هذا الحكم من باب اضرب المربوط يخاف السايب. خافوا و لا تتكلموا و لا حول و لا قوة الا بالله.. و ماذا عن سحر زكى يا استاذ محمد؟
تعليق بواسطة Maria Fernandez — فبراير 22, 2007 @ 4:02 م |
خلاص بقى
اسكت يا شرقاوي
كلنا نخرس خالص بلا وكسة
يعني هو الكلام ابن عم الحديت ح يعمل ايه
=========
الاخ منذر
هو انت شاعر حداثي زيي؟
اصل انا ما فهمتش ايه الدروس المستفادة من القصيدة معلش
تعليق بواسطة نوارة نجم — فبراير 22, 2007 @ 5:09 م |
[...] from Sharkawy [...]
التنبيهات "Pingback" بواسطة zosome :: An Egyptian blogger sentenced … :: February :: 2007 — فبراير 22, 2007 @ 5:49 م |
[...] how did bloggers react to his sentence? Egyptian blogger Sharaqwi calls for a campaign to release Kareem and promote freedom of expression in his country. الحكم مقلق وضد [...]
التنبيهات "Pingback" بواسطة Global Voices Online » Blog Archive » Arabisc: Bloggers Rally to Kareem’s Support — فبراير 22, 2007 @ 5:59 م |
مبروووووووووووووووووووووووووك
انا كنت عايزهم يبقوا عشر سنين
انما معلش
عقبالكم كلكم
تعليق بواسطة One From Egypt — فبراير 22, 2007 @ 7:07 م |
ايه ده؟
الحكم ده استهبااااااااااااال على الاخر
تعليق بواسطة شريف — فبراير 22, 2007 @ 7:14 م |
meeeeeeeeeeeeeen b2a 2bn el habla da elle by2oool 10 yrs???
تعليق بواسطة loby — فبراير 22, 2007 @ 7:28 م |
مش عاوزينة مش عاوزينه.. مهما يقولوا اننا بنهينه
مطلوب حملة تضامن مع كريم والدفاع عنه وعن حرية الرأى والتعبير،
وهنسيبنا من أى دعاوى اننا بنتضامن مع مدون كافر..
احنا بنتضامن مع مصرى منتهكة حقوقه..
زى ما بنتضامن مع الاخوان المتحولين لمحاكمات عسكرية لانهم كمان منتهكة حقوقهم
طيب يا محمد اشرح يعنى اية تضامن فهمونا يا جدعان هانعلق لافتات…يعنى ولا هاننزل فى مظاهرة؟؟
ولا اية…انا مش بتضامن علشان كريم لا,,علشان مبداء
الراى يقابل براى…والاسلام اعظم من ان يهان
من كلمة راى شاب مهزوز فى العقيدة…
علشان شاب هايضيع عمرة فى معتقل بجد..فى
الامام ابو حنيفه النعمان بذات
نفسة كان يجادل البراهمه ولم يطالب
بقتلهم وسجنهم …طيب يا محمد يعنىكل واحد فينا يقدر يعمل اية مثلا!!
تعليق بواسطة elgazaly — فبراير 22, 2007 @ 7:56 م |
your papa ya …………………
تعليق بواسطة one from Egypt — فبراير 22, 2007 @ 10:18 م |
لو سمحت يا شرقاوى لو فى اى نجمع او اى حاجة هتتعمل لتضامن مع كريم ابعت لى على الايميل انا لا عندى مدونة ولا فى كفاية ولا اصلا عمرى مشيت فى مظاهرة او اعتصام بس اللى حصل ده تهريج ومش هينفع تكون مشاركتى فيه برده من على النت بس وبجد لازم يفكروا الف مرة قبل ما يعملوا ده مع حد تانى انااول مرة اهتم بوضوع ان حد معتقل لانى اصلا جديدة على المدونات كلها بس انا قلت كفالة او حتى حبس مع ايقاف التنفيذ لازدراء الاديان فقط لكن اللى حصل بجد صدمنى انا مش بعرف التضامن والمظاهرات دى بتكون ازاى او بتتفقوا ازاى فلز سمحت ابعت لى لو فى حاجة زى دى
وميرسى ليك
تعليق بواسطة nono — فبراير 23, 2007 @ 12:36 ص |
محمد، اللي اسوأ من الحكم على كريم هو شماتة معظم الناس في كريم أقرا تعليقات الجمهور على
العربية
لخبر الحكم عليه وانتا تعرف اد ايه احنا حالياً في وضع احسن الف مرة من لو تم تطبيق ديموقراطية حقيقية يكون فرسانها الأظلاميون!! ساعتها هنقول يا ريت اللي جرى ما كان!!!
تعليق بواسطة Nah·det Masr — فبراير 23, 2007 @ 10:31 ص |
والله أنا شايف أن ده كله مالوش لزمة كلة هايفضل يتكلم كتير فنفكر هانعمل ايه لو العمليه زادت وكل يوم واحد يطلع يسب في الدين الإسلامي وباقي الأديان خلاص كل واحد عايز يشتهر يشتم طبعا الكلام دة مايعجبكش يا شرقاوي أكتب ما شئت يا كريم فالكفر مباح ضع الف صليبا وصليبا فوق القرأن فلقد أصبحنا في زمن الردة والبهتان لاتخشى خيول أبي بكر فقد أنهكها جبن الفرسان فالدين الإسلامي باقي مابقيت دنيا الرحمن وحسبنا الله ونعم الوكيل …… حسبنا الله ونعم الوكيل
تعليق بواسطة أكرم الإيراني — فبراير 23, 2007 @ 10:48 ص |
يا قطر الندي انا مش بتكلم الوقتي
لية مش بيحاكموا البيشتم الدين المسيحي
المفروض يتحاكم طبعا ويتحاسب
بس احنا بنتكلم على قضية معينة مثلا واحد سرق
واتمسك نقول لا مش حنطبق القانون لان غيرة كتير بيسرق
ومحدش بيمسكهم ؟!!
تفكير غير صائب بالمرة
ثم المدونة دي بتتعرض على النت
بهدف ان كل واحد يقراها زيها زي اى وسيلة نشر
او اعلام اخري زي الجرائد والمجلات
لو كانت مدونته الخاصة دي كشكول فى بيته
مكنش حد حيدخل يفتش بيتة ويتهمه بالمكتوب في الكشكول
واتمني ان اى حد يسب او يهين اى دين يتحاسب
زي الدكتور محمد عمارة لما نقل فى كتابة مقولات
عن تكفير المسيحيين كلنا وقفنا ضده وطالبنا بمحاسبتة
ولو انى رغم كل دا ضد حبس كريم لانة شاب صغير
وكان الافضل الحوار معاه زي ما عملوا مع بتوع
مليشيات الازهر الطلعوهم عشان مستقبلهم
تعليق بواسطة الزعيمة — فبراير 23, 2007 @ 2:16 م |
تهمة إهانة الرئيس تشبه تهمة العيب فى الذات الملكية اللى رؤساء جمهوريتنا ضحكوا علينا و قالوا أنهم لغوا لملكية
المهم المتنيل على عينه دخل قائمة أسوأ 20 ديكتاتور فى العالم كما ذكرت جريدة الدستور الأسبوعية
أنا أختلف فكريا مع كريم و لكن أرفض تماما ما حدث له و التنكيل بالرأى فالرأى يقابل بالرأى و فى النصف الأول من القرن العشرين أيام الإحتلال و الملك يعنى أصدر أحد الملحدين وقتها كتابا أسماه لماذا أنا ملحدا فرد عليه أحد شيوخ الأزهر – اللى كان له إستقلالية وقتها – مش بالزعيق و لا بالتكفير و لا بالإعتقال و لكن بكتاب لماذا أنا مسلما
على العموم احنا اللي سايبينه يركبنا
تعليق بواسطة hishameltawil — فبراير 24, 2007 @ 2:58 ص |
[...] blogger Sharaqwi calls for a campaign to release Kareem and promote freedom of expression in his country. الحكم مقلق وضد [...]
التنبيهات "Pingback" بواسطة Free Kareem! » Blog Archive » Media and Blogosphere Coverage of Kareem’s Trial — فبراير 24, 2007 @ 12:28 م |
انا شايفة ان الموضوع موضوع مبدأ و لو وافقنا على سجن حد عشان قال رأيه يبقى ده هيفتح باب لسجن اى حد يقول اى رأى سواء فى الدين بقى و لا فى السياسة_و لو ان ده بيحصل يعنى مش غريبة علينا_المهم بصرف النظر انا معاه و لا ضده لكن شايفة ان حق التعبير عن الرأى يقابله حق التعبير عن الاختلاف فى الرأى فوالله هو طارح رأى اللى عايز يختلف معاه يختلف لكن مش الحل اننا نقطع لسانه لأن ده مش هيوقف دماغه عن التفكير و زى ما قال يوسف شاهين (الأفكار لها اجنحة محدش يقدر يمنعها تطير) وبعدين كم القمع اللى الناس فيه مخلينا بنتخبط من الرسوم الدنيماركية لحجاب فاروق حسنى للشجرة المقدسة لكريم عامر بقينا نتكلم فى كل حاجة و لا حاجة منهم تخص همومنا الحقيقية ..
وممكن الدنيا تقوم عشان حد نقد الدين بس قضايا الفقر و الفساد و التوريث و الزفت اللى احنا فيه محدش ممكن يتهز عشانه ..تفتكروا ليه احنا كدة؟؟؟
تعليق بواسطة nada mougheeth — فبراير 27, 2007 @ 12:38 ص |
زمان كان طالبي الشهرة بيسبوا الحكومات ..ويعشقوا المعتقلات ..
واليوم عندما اصبح الكل يسب الحكومات واصبحت الحكومات اكثر مناعة من ان تعتقل لسب او لشتم ..اتجهة مرضى الشهرة
الى سب الدين ..وصاحبك واضع علم للدنمارك ويطالب بمساعدتهم ..
نتضامن معه ليه ؟ نحن لسة مسلمين وموحدين …
لا نهتم بمن شذ عن طريق الحق
والاربع سنوات قليل في حقه
تعليق بواسطة محمد عبدالله — مارس 9, 2007 @ 9:10 م |
ZIoO2F Blogs rating, add your blog to be rated for free:
http://blogsrate.net
تعليق بواسطة Michael Nowak — يونيو 24, 2008 @ 12:34 ص |
جزاك الله كل خير ,جعل ذلك فى ميزان حسناتك.
تعليق بواسطة worldgames1 — أكتوبر 13, 2008 @ 11:45 م |
بارك الله فيك ووفقك للخير
تعليق بواسطة الفارس — مايو 2, 2009 @ 4:46 ص |
اسعد الله ايامك تدوينه رائعه
تعليق بواسطة على — مايو 15, 2009 @ 7:19 ص |
[...] من أجل الأسلام.. يحبسون من يناصروة ويعملون تحت رايته ويعتقلون أيضاً من يقول فيه رأى.. الاسلام يقول لكم شكراً ورباطى الذى كان صليبياً يتمنى [...]
التنبيهات "Pingback" بواسطة شكراً للداخلية لقطعها رباطى الصليبى وهو الآن فى طريقه للأسلام « كتابات — مايو 25, 2011 @ 10:04 م |