كتابات

ديسمبر 26, 2006

عاجل: حبس الظابط اسلام نبيه

Filed under: أخبار,سياسة,عنى — sHaRkAwY @ 2:05 م

وائل عبد الفتاح :
مفاجات جديدة فى قضية عماد الكبير:

حبس اسلام نبيه 4 ايام على ذمة التحقيق.

1. اصدر بكر احمد بكر مدير نيابة حوادث جنوب القاهرة قرارا بحبس النقيب اسلام نبيه معاون مباحث بولاق الدكرور وامين الشرطة رضا فتحى 4 ايام على ذمة التحقيق فى وقائع تعذيب عماد الكبير .
2.
وكان مدير النيابة قد انتقل الى قسم بولاق الدكرور وعاين موقع غرفة التعذيب المعروفة فى لغة البوليس بالثلاجة..كما عاين الاماكن التى وصفها عماد الكبير فى اعترافاته الكاملة امام النيابة.
3.
وفى نفس الوقت تقريبا استدعى مدير النيابة خبيرا متخصصا لتقرير رايه حول مسالتين الاولى هل التصوير يمكن ان يكون مفبرك..؟ و ثانيا مضاهاة الصوت المسموع فى الكليب بعينة من صوت المتهمين اسلام نبيه و رضا فتحى .
4.
وكانت النيابة طلبت عينة من صوت كليهما فى نفس الفترة.
5.
تقرير الخبير وصل قبل يومين مؤكدا عدم امكانية فبركة اللقطات المصورة وان الاصوات الموجودة فى اللقطات هى لاسلام نبيه و رضا فتحى.
6.
وبناء عليه اصدر بكر احمد بكر قراره السابق فى حضور كل من اسلام نبيه و رضا فتحى.
7.
وينتظر ان يعرض المتهمين غدا على قاضى معارضات للنظر فى تجديد حبسهما حسب قانون الاجراءات.

ملاحظة مهمة:
هذه هى المرة الاولى التى يحبس فيها ضابط على ذمة قضية تعذيب.

 

هنا لقراءة مقال وائل عبد الفتاح فى العدد الجديد لجريدة الفجر .

الخبر منشور هنا

About these ads

25 تعليقات »

  1. ألف مبروك، أول الغيث قطرة يا افندم

    تعليق بواسطة simsima — ديسمبر 26, 2006 @ 3:31 م | رد

  2. [...] تحديث 2 الثلاثاء الساعه الثانية ظهراً : حبس الظابط أسلام نبيه 4 ايام على ذمة التحقيق الظابط بقسم بولاق الدكرور واللى قام بتعذيب واغتصاب عماد الكبير. [...]

    التنبيهات "Pingback" بواسطة تطورات قضية تعذيب و أغتصاب عماد الكبير « كتابات — ديسمبر 26, 2006 @ 3:43 م | رد

  3. الحمد لله
    الواحد فرحان قوي يا شرقاوي ان الحق حايرجع لصحابة
    مع اني شايف ان العدل ان عماد يدخل عصاية في ال ظابط دة و كل الناس تشوفه
    لو سمحت اشكرلي وائل عبد الفتاح

    تعليق بواسطة demagh mak — ديسمبر 26, 2006 @ 4:37 م | رد

  4. [...] But that will not end the practice. Remember, those are not just “few rotten apples.” Mubarak’s policing system is classist, abusive, unprofessional and repressive. Still the campaign launched by the Egyptian bloggers and the independent press was strong enough to push the regime to start investigating the case. This sends a powerful message to anyone who’s involved in torture: Your victims will not be silent any more… Egypt prosecutor detains officer accused of torture 26 Dec 2006 CAIRO, Dec 26 (Reuters) – An Egyptian prosecutor ordered the four-day detention of a police officer accused of sexually assaulting a prisoner, judicial sources said on Tuesday. They said prosecutor Bakr Ahmed Bakr questioned assistant-investigation officer Islam Nabih on Tuesday. He also ordered the detention of Reda Fathi, a non-commissioned officer, for four days. A video circulated on Egyptian blogs last month and sparked uproar. It showed Imad al-Kabir, a bus driver, lying on the floor, naked from the waist down, with his hands bound behind his back and his legs held in the air. He screams and begs as he is sodomised with a stick while those around him, whose faces are not visible, taunt him. Kabir’s lawyer has said the torture took place in January 2006 in a police station in Bulaq al-Dakrur after Kabir was detained and beaten for intervening to stop an argument between the police officers and his brother. [...]

    التنبيهات "Pingback" بواسطة Egypt prosecutor detains officer accused of torture at 3arabawy — ديسمبر 26, 2006 @ 5:14 م | رد

  5. [...] But that will not end the practice. Those are not just “few rotten apples.” Mubarak’s policing system is classist, abusive, unprofessional and repressive. Still the campaign launched by the Egyptian bloggers and the independent press was strong enough to push the regime to start investigating the case. This sends a powerful message to anyone who’s involved in torture: Your victims will not be silent any more… Egypt prosecutor detains officer accused of torture 26 Dec 2006 CAIRO, Dec 26 (Reuters) – An Egyptian prosecutor ordered the four-day detention of a police officer accused of sexually assaulting a prisoner, judicial sources said on Tuesday. They said prosecutor Bakr Ahmed Bakr questioned assistant-investigation officer Islam Nabih on Tuesday. He also ordered the detention of Reda Fathi, a non-commissioned officer, for four days. A video circulated on Egyptian blogs last month and sparked uproar. It showed Imad al-Kabir, a bus driver, lying on the floor, naked from the waist down, with his hands bound behind his back and his legs held in the air. He screams and begs as he is sodomised with a stick while those around him, whose faces are not visible, taunt him. Kabir’s lawyer has said the torture took place in January 2006 in a police station in Bulaq al-Dakrur after Kabir was detained and beaten for intervening to stop an argument between the police officers and his brother. [...]

    التنبيهات "Pingback" بواسطة The Arabist » Egypt prosecutor detains officer accused of torture — ديسمبر 26, 2006 @ 5:43 م | رد

  6. ألف مبروك نهنيء أنفسنا و نهنئك و معك كل من بذل جهد في سبيل إظهار الحقيقة و رد اعتبار هذا المواطن المسكين

    تعليق بواسطة samar — ديسمبر 26, 2006 @ 7:11 م | رد

  7. اللي حصل دا انتصار تاريخي للصحافة الحرة الشريفة
    بشقيها التقليدي ممثلا في الفجر والشعبي ممثلا في المدونين

    تحياتي من جديد لوائل عبد الفتاح
    ابقى وصل له التحية

    تعليق بواسطة الحاج جرجس — ديسمبر 26, 2006 @ 8:51 م | رد

  8. الف مبروووووووووووووووووك في انتظار نجاح بقية القضايا
    والامساك ببقية المجرمين

    تحياتي للاستاذ وائل
    وعارفه انك مبسوط

    وعارفه ان السنة الجايه
    حتكون احسن واحسن
    وحتحملك الافراح معها ومزيد من الاخبار الجيدة

    تعليق بواسطة rasha — ديسمبر 26, 2006 @ 9:18 م | رد

  9. انا ناسيه الاسامي يا رب افتكر كان في مجموذعه قبل كده لو افتكرت واحد كان اسمه هاني اوسامي انما فكره اسم عائلته (ابو النور ) كان في قضايا الا سلا مين بعد اغتيال السادات

    تعليق بواسطة ام هادي — ديسمبر 26, 2006 @ 9:25 م | رد

  10. اسماء :
    طبعاً ولو أنى اتعودت مفرحش قوى .. انتى عارفه الكلمة المشهورة ” بخاف افرح لحسن ظهرى يتقطم بعدها من وجع يستمر لكتير “.

    دماغ ماك :
    شكراً ليك يا عم وانت صاحب تفجير الموضوع منذ البداية ..انا فرحان زيك .

    samar:
    ربنا يخليكى وتسلمى .. أنا مش بشتم أهه .. بالفعل وائل عبد الفتاح وناصر امين وعماد الكبير يستحقون الشكر ،فهم اصحاب المجهود الحقيقى وبالطبع دماغ ماك ووائل عباس
    الحج جرجس المختفى :
    وائل بيشوف تحياتك ومدونتك وتعليقاتك .. مش محتاج انقله .. هو كمان بيحييكم وبيسلم عليكم وبيشكر مجهودكم .

    رشا:
    بتمنى انها تبقى سنة بتاعتنا ،
    ونشوف فيها اللى عاوزينه واللى بنحلم بيه .

    تعليق بواسطة sHaRkAwY — ديسمبر 26, 2006 @ 9:27 م | رد

  11. That’s really great news. You made my day.

    تعليق بواسطة autoscriptor — ديسمبر 26, 2006 @ 10:07 م | رد

  12. هو طبعا انجاز انهم يتحبسوا ولو ليوم واحد
    بس زي مانا قلت عند جرجس
    انا مش هارتاح غير لما عماد ياخد حقه بايده
    الجزاء من جنس العقاب

    الخوف لايسيبوهم قبل ما عماد ياخد حقه ويطلعوا ينتقموا

    علي فكرة انا علقت علي البوست اللي فات

    تعليق بواسطة 3rby — ديسمبر 27, 2006 @ 2:38 ص | رد

  13. طبعا الحبس خطوة للأمام. بس انا خايف من حاجة. تعريف التعذيب في القانون المصري فريد من نوعه. التعذيب ما يبقاش تعذيب إلا لو تم ضد متهم في قضية بغرض انتزاع اعترافات. عماد ما كنش متهم بحاجة وتعذيبه كان بغرض التأديب والتربية. تخيلوا الضابط ده ممكن يتهم باستعمال القسوة بس؟ يعني جنحة مش جناية. لو اللي حصل لعماد الكبير مش تعذيب يبقى ايه هو التعذيب؟

    تعليق بواسطة حسام — ديسمبر 27, 2006 @ 6:52 م | رد

  14. بكره هيطلعوه لعدم كفاية البتنجان..وكل عام وانتو طيبين

    تعليق بواسطة أشرف أفندى — ديسمبر 27, 2006 @ 10:08 م | رد

  15. شرقاوى
    اعتقد ان انتصار الكلمة فى وقت فقدنا جميعا فيه الايمان باهميتها هيكون ليه تأثير كبير فى كل تحركات المرحلة القادمة
    يعنى فهمنا الدرس واستوعبنا الخطوط ولا مجال مرة اخرى للصمت على الاخطاء

    تحية لكل من كانت كلمته سلاح

    فقط ما يجعلنى اقل فرحة هو انى عرفت ان اسلام ورفيقه غير محبوسين كعامة الشعب فى نفس الزنازين بل لهم اماكن خاصة اذ لا يجوز ان يعامل معاملة الشعب ربيب الكلية الملكية

    كنت اتمنى ان لا يكون هناك من هم فوق القانون حتى ولو كانوا ذراع القانون

    تحياتى

    تعليق بواسطة tota24 — ديسمبر 28, 2006 @ 12:36 ص | رد

  16. ربنا يسهل ويتحكم عليهم وبعدها هتبقي الفرحه الكبيره وربنا معاكم ضد الظلم وشكر خاص ليك يا شرقاوي انا اسف اني لحد دلوقتي متصلتش بيك بس علشان انا مسافر بس هبقي طبعا متابع معاك وبشكر الاستاذ وائل طبعا

    تعليق بواسطة osama — ديسمبر 28, 2006 @ 2:43 ص | رد

  17. مهما طال الزمان و اشتد الظلم و حلك السواد بأعيينا مازالت بارقة الأمل مهما كانت ضعيفة تمدنا بالنور و الضياء و هذه أول محطة في الطريق و علينا المناضلة للاستمرار و تحيقق النصر.

    تعليق بواسطة سارة نور الدين — ديسمبر 30, 2006 @ 3:05 م | رد

  18. خطوة شكلها حلو على الأقل، ويمكن تخلي التانيين يفكروا أكتر أبل ما يعملوا الخره اللي هما بيعملوه في الناس.

    تعليق بواسطة Nah·det Masr — يناير 2, 2007 @ 10:19 ص | رد

  19. بس على فكرة يا شرقاوي، انا الخدامة سرقت مني الدبلة وخاتم الماظ بتاع مراتي، وجابها البوليس وشفت طريقة معاملتهم ليها وانكارها فقلت لهم خلاص سيبوها يمكن انا غلطان! لدهشتي الشديدة فوجئت بيها بعد كل الأنكار ده جابت الخاتم الألماظ!!! هي بعد كدة قالت انها مخدت الدبلة فرفضت انهم “يضغطوا” عليها وقلتهم خلاص انا مسامح فيها. يعني هما في بعض الأحيان بيتحولوا الي وحوش من اللي بيشوفوه

    تعليق بواسطة Nah·det Masr — يناير 2, 2007 @ 10:27 ص | رد

  20. الصراحة انتو عاملين مجهود كبير وإن شاء
    الله لابد اننا نتكاتف لنصرة المظلومين والفجر آت لا محالة

    تعليق بواسطة hazem — يناير 9, 2007 @ 12:37 م | رد

  21. الف مبروك ..
    غقبال باقى الكلاب

    تعليق بواسطة واحد من الناس — يناير 10, 2007 @ 5:04 م | رد

  22. جزاك الله كل خير ,جعل ذلك فى ميزان حسناتك..

    تعليق بواسطة worldgames1 — أكتوبر 13, 2008 @ 11:29 م | رد

  23. بارك الله فيك ووفقك للخير

    تعليق بواسطة الفارس — مايو 2, 2009 @ 4:42 ص | رد

  24. اسعد الله ايامك تدوينه رائعه

    تعليق بواسطة على — مايو 15, 2009 @ 7:14 ص | رد

  25. اسعدك الله واكرمك ..

    تعليق بواسطة مروان — مايو 24, 2009 @ 9:50 ص | رد


خلاصة "RSS" للتعليقات على هذه المقالة. TrackBack URI

لو فيه حاجه ممكن تتقال.. تتقال هنا

Please log in using one of these methods to post your comment:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s

The Rubric Theme المدونة لدى وردبرس.كوم.

Follow

Get every new post delivered to your Inbox.

%d bloggers like this: