سيدتى ..
لماذا أجدك فزعة ؟؟
أقلقة أنت على نفسك ..
أتخافين أن يفعلوا بك مثل ما فعلوا بهذة الأم العجوز كما فى هذه الصورة ..
لا تخافى ..
أقسم لك بأرواح 1000 مصرى ماتوا فى عبارة غير صالحة للأبحار أصلاً ولا تحمل غير فقراء مصر ويملكها واحد من ناهبى وقاتلى مصر بأنهم لن يمسوا شعرة منك ..
أقسم لك بقدرة السكك الحديدية فى مصر على تحويل أرواح الألاف من المصريين إلى العالم الأخر، على أنهم لن يستطيعوا أن يكونوا مصدر أذى لك ..
سيدتى ..
لماذا تحدقين فى هكذا ..؟؟
تكلمى إلى .. أو قومى بعمل ما يجعلنى اعتقد بانك تستمعين لكلماتى !!
أتخافين على بنتك ..
أعلم بأنها الآن فى يدك ..
ولكن ..
أنظرى جيداً إلى هؤلاء ..
أليس من بينهم إبنك يوسف .. أو محمد .. أو رامى .. أو أحمد ..
أعتقد أنه بينهم ..
أتقولين بأنك تركتيهم نائمين ..؟؟
إذن هذا هو جوزيف .. خطيب ابنتك .
أعرفه انا وأستطيع ان أتبين ملامحه من وسط مليون ..
وأعلم عنه إيمانه بأن البلاد ستتطور وستمضى فى المسير نحو إطلاق الحريات و نشر الفكر الديمقراطى والدعوة للدولة المدنية القوية التى تساوى بين الجميع على أساس الأنتماء للوطن والأنحياز لفكرة المواطنة ..
هو يؤمن بأفكار متميزة وجيدة ومستعد هو للدفاع عنها ..
أقلقة أنت إذن أن تصبح أبنتك مثله ..؟؟
تخافين عليها من أن تمتلك من الافكار ما قد يؤدى بها فى النهاية لمثل هذه الاشياء التى ترينها تحدث امامك ..
سيدتى ..
تأملينى جيداً ..
أنا أيضاً لى أم مثلك تخاف على أولادها ..
خوفها على نفسها ، وتحرص علينا كما حرصك على ولديك ..
وكنت أحلم كما أبنتك بكيس به عصير قصب ..
فأنا أعشقه ..
ولكن ..
ألست معى فى أن ما نشاهده الآن هو شئ مقزز جداً ..
أم أنك غير مهتمه ..
أراكى قلقة فقط ..
لن أحاول بالطبع تشوية ما تشعرى به الان ،
ولا محاولة وصف ما أراكى عليه ..
ولكن ..
أنظرى هنا أيضاً ..
هذا هو من يعطى الاوامر ..
الأن هم يسحقون سيدة عجوز لأنها حاولت ان تساندنا فى رفضنا للظلم الواقع علينا ..
أتعلمين بأن الرجل الذى يشير على هذه السيدة العجوز ويعطى اوامر بسحقها ..
أتعلمين بأنه كان ينتظرنى عند بوابة مديرية أمن القاهرة بعد انهاء اجراءات الافراج عنى من فترة سجن
طالت عن 88 يوماً شهدت تعذيبى وضربى وانتهاك جسدى ؟؟ ،
أتعلمين بأنه من ضمن من شاركوا فى أعتقالى وتلفيق اتهامات مضحكة لى ..؟؟ ،
هل تعلمين بأنه قال لى ” مبروك يا محمد وحمدلله على سلامتك “..
لم اعى لحظتها أية سلامة يتمناها لى ويشكر الرب عليها ..
ولكن كل ذلك لا يهم ..
انت الأن من يعنيينى ..
أنت وحدك فأنت ترى الان إلى أى حد وصلت درجة التوحش والقمع عند هؤلاء ..
سيدتى ..
أخرجى من كل ما يحيط بك ..
لتحطمى هذه الجدران التى تسجننى وتسجننك ..
لنحطم معاً .. خوفنا ..
ولنبحث عن مصر أفضل فنحن بالتأكيد ..
نستحقها .
حلو قوي العنوان
بجد جامد قوي .. اسمعوا بقي وأفهموا .. لامتي هتفضلوا خايفين .. احنا كده كده هنموت … اتكلمنا هنموت بشرف ولو سكتنا هنموت من القرف .. مش عارف يا شرقاوي حد هيحس اللي انت بتقولوا وللا لأ .. حسوا بقى من فضلكم .. في ناس بتقول http://norayounis.com/2006/11/09/158
Comment بواسطة CAESAr-DIABLo — نوفمبر 12, 2006 @ 6:49 م |
يمكن ما بعلقش عندك ودي اول مرة بس بقرا على طول ما تكتب يمكن لاني بحس ان كلامي قدام قوتك وصدقك ملوش معنى
بس بجد انت انسان تستحق الاحترام والحب
قوتك واصرارك على عدم الخضوع والجبن لهؤلاء الاوغاد والمزيفين
ايجابيتك في تحطيم كل الافكار والعقليات المريضة
تفاؤلك رغم لحظات الظلام بان بايدينا يحدث التغيير
افتح قلوب الناس بكلماتك
الام دي ممكن تكون امي والبنت دي ممكن اكون انا احساسك بالناس رغم كل هذا..جميل
لسه قادر تشوف الناس بصدق من غير ما تشوفهم مشوهين رغم التشوه الي ماليهم
تجاربك قوتك لم تموتك وهذا سر اعجابي الشديد فيك ولذلك انت قادر على التغير
الرب معك ويحميك
افضل قول وصرخ وخلينا نكسر حيطان الصمت والخوف
كلماتك صادقة جدا وتصل للقلب وتفتح اعين الي مش شايفين
Comment بواسطة rasha — نوفمبر 13, 2006 @ 11:59 ص |
مشكلة شعبنا مش انه بيحب النظام(زي الاردنيين مثلا)
لكن مشكلتنا اننا بنخاف
مش عارف هايحصلنا ايه اكتر من اللي حصلنا
Comment بواسطة 3rby — نوفمبر 13, 2006 @ 2:32 م |
مش عارف اقولك ايه يا شرقاوى
الله يجازيك ويسامحك انا ماكنتش ناقص
سعات باحس اننا مجانين وسعات باحس ان الدنيا هيا اللى مجنونة
تتحل منين الحكاية ؟؟
احنا مش خايفين
ومش هانخاف
لكن
خوف الناس معجزنا
المشكلة فين ؟؟
فينا ؟؟
ولا
فى الناس؟؟
روح يا شيخ الله
الله لا يسامحك ولايسامحنى ولا يسامح الناس
Comment بواسطة ayoub — نوفمبر 13, 2006 @ 10:37 م |
ايه الصور المفزعة دي الناس دي معندهاش قلوب ولا رحمة اتشالت خلاص وبقى مكانها حجر صلب إزاي يعملوا كده مع الست الكبيرة المسكينة دي والله العظيم هيشوفوا أيام سودة والشعب اللي خايف ده أكيد هيقوم لأن للصبر حدود ومش هنقوم وننفجر غير لما نتوحد لأن إيد لوحدها متسقفش
شعب مصر شعب عظيم وقوي وشجاع وصبور وكريم ويستحق كتييير قوي وجدران السجون هتتكسر وهتكون مصر أفضل بلد وأفضل شعب
يا جماعة لا حيلة في الرزق ولا شفاعة في الموت
Comment بواسطة TiTo — أكتوبر 16, 2007 @ 4:17 م |
حقيقى مش عارف اقوا ايه غير انا لله وانا اليه راجعون
من 15عام دخلة المعتقل علشان الحرية وملقتش حد يقف معانا غير ربنا هو الى نجانى ودلوقة حقيقى مش هاينجينا من الناس دى غير ربنا
والسلام
Comment بواسطة جمال ابو اليزيد — أبريل 6, 2008 @ 2:40 م |
لا حولا ولا قوه الي بلله
فاقد وصل بمصر هازا المنظر
للاسف
Comment بواسطة NEMO — أبريل 12, 2008 @ 2:44 م |
يا جماعة اللى بيحصل دلوقتى فى بلدنا مش جديد . حصل من زمان ولسة بيحصل وهايحصل .. يظهر ان ربنا ابتلانا بحكام جبارين ” ربنا ما بينساش ولا يغفل عن الظالمين ” كل شئ وله اخر. انا متفائل بس لازم ندى كل شئ حقة ووزنة يعنى المبالغة من اكتر البلاوى عندنا سبب اصيل فى مشاكلنا , يعنى لما حد يموت لنا نعد نصوت ونلطم والدنيا تخرب بعدة ” يا سلام “لما يكون فيه فرح فى الشارع تلاقى الناس اللى ما تعرفش فرح مين تغنى وترقص اكتر من اصحابه!!! لما يعينوا محافظ ولا مسئول ” حتى لو كويس ” بلاش التعظيم والتفخيم الزيادة اللى يخليه يتنفخ من الغرور الاهبل واللى كمان بيحسس الناس انهم هايفين ولا دور لهم عشان الحكام والمراكز هم اللى بيخططو ويشغلوا ويفكروا ويقدروا ويحلو ويربطو وكل شئ حتى الكبار اوى من ايام الفراهنة بنخلدهم وننفخ فيهم لحد الالوهيه .اى المبالغة اللى خالتنا نصغر لحد ما باقوش يشوفونا اساسا . الخلاصة لازم نبطل المبالغة اللى تخلى شخص يرمز لدولة ولا غيرها .
Comment بواسطة مواطن مصرى — مايو 1, 2008 @ 1:05 م |
حاكم ظااالم شعب جبان
Comment بواسطة محمد انور — مايو 2, 2008 @ 1:04 ص |
اللهم ارفع غضبك عنا
Comment بواسطة ام — مايو 2, 2008 @ 7:16 م |
بعد اذنك انا مواطن مصري واحب اقول رايي بصراحة انا لسا شايف الصور والموضوع اللي بتكلم فيه بصراحة بس على فكرة اللي انا حسيته لما قريبت التعليقات بتاعتكم وتعليقات الشخص اللي حاطط الصور حسيت انكم في حاجات كتير ناقصاكم وانكم مرضى نفسيين وياريت الكلمة دية متزعلش حد فيكم انا على فكري مش مقيم في مصر دلوقتي وعاوز اقولكم بيحصل اكتر من كده في بلاد تانية ليه احنا بنحاول ان نقسم مصر لقسمين ناااس دايما بيتظاهروا انها بتخاف عليها وعاوز تحميها ويمكن هما كده فعلا بس اللي بيعملوه ده ضد اللي حاسينه وهما مش عارفين وفي ناس تانية بتتمني انها مصر تنقسم علشان تبقا ضعيفة وتتاخر اكتر ما هيه متاخرة انا حبيت اقولكم بس رايي مش اكتر وياريت رايي مايكونش دايق حد مني شكرا .
Comment بواسطة محمد — مايو 24, 2008 @ 9:06 م |
يسقط يسقط حسنى مبارك
هتاف سمعته فى ميدان التحرير ولم أصدق أذنى حينها .
سألت نفسى هل من الممكن أن أكون مثل هذا المناضل المنطبق عليه “قائل كلمة حق لسلطان ظالم ” عندها عرفت أنى معوق فاقد أهلية الشجاعه سألت نفسى من المسئول عن حرمانى من القدره على الصراخ وللأسف وجدته أيضا حسنى مبارك الر ئيس الأبدى
هههههه هل سمع أحدكم أعلان أتكلم فى التلفزيون المصرى أه وأه وأهين على شاب عنده 27 سنه مش قادر يعمل أى شىء فى حياته مهندس لايملك الوسطه فى بلد الوسايط لا يملك المعرفه فى بلد “تعلم لكى تكون جاهل متعلم”
نداء لحسنــــــــــــى مبــــــــــارك
محدش يتهمنى بالجنون يمكن يوصله أنا مؤمن بالله خلاص بقى كفايه خلينا ننتخب رئيس المجلس المحلى حتى فى بلدنا حرام عليك
Comment بواسطة mohamed — يونيو 13, 2008 @ 6:09 م |
الفساد الذى حدث فى ال30 عام الماضية من عهد السيد الرئيس .. رئيس مصر حاكم البلاد محمد حسنى مبارك والبرتيتا الملتفة حولة وهم معرفين طبعا …هذا الفساد الإقتصاد و الإجنماعى و الأخلاقى و الثقافى والتخطيطى والعمرانى والتكنولجى و العلمى و التربوى و الأعلامى والفكرى ..كل هذا وأكتر و أنتم عرفين ماذا فعل النظام فى مجال الحريان و المواطنة كل هذا محتاج 100 عام حتى يتم الإصلاح فعلا لأن الهدم سهل لكن البناء صعب
Comment بواسطة جابر — يوليو 6, 2008 @ 1:31 م |
هذا هو الحال ولكن هناك سؤال واحد الي متى؟
هذا كل مايشغلني الان.
ولكن هناك سؤال اخر هل هناك الاسوء من هذا؟
ارجو الاجابه
Comment بواسطة Neno — يوليو 7, 2008 @ 4:53 م |
بطلوا بقا هبل وعبط الصورة التانيه بيساعدوا الست عشان تطلع الرصيف بطلوا شغل الفبركه وتطويع الصور علي مزاجكوا واهواكوا …
Comment بواسطة محمد فؤاد — يوليو 9, 2008 @ 6:56 م |
الرحمة ياناس الرحمةياهوة وانابوجه بوش
Comment بواسطة الرحمة — يوليو 20, 2008 @ 10:43 ص |
انابوجهبوش وباقول لة يا ابن الكلب ياوطى انت وصحابك
Comment بواسطة الرحمة — يوليو 20, 2008 @ 10:50 ص |
جزاك الله كل خير ,جعل ذلك فى ميزان حسناتك..
Comment بواسطة worldgames1 — أكتوبر 13, 2008 @ 11:22 م |
حكومه ورئيس ووزره ليه الناس بتخاف منهم ليه ويخبوا الى فى قلوبهم ليه ليه ليه امته هتظهروا وتقولوا للظالم لا امته امته ليه دايما المصريين بيخافوا وراجعيين يسيبوا حقهم كده بسهوله ليه يجماعه احنا لازما نعمل وقفه اصاد الحكومه والرئيس الى ناهب البلد لازم لازم يا جماعه الرئيس هيخلينا نبيع ملابسنا وهنمشى ملط هو دى الحقيقه لو معرفناش نعمل حاجه حد يفقر هنعمل ايه وانا من ناحيتى هحاول اعمل حاجه قبل ما نبيع ملابسنا ونتعزب بجد لازم نعمل حاجه لازم لازم والى بيقول تانى صوره الى بيطلعوها الرصيف مكنش حاد صورها والحكومه هى الى هاتساعدنا ياخى احاااا دا اخر حاجه الناس هتسدقها وانت مش شايف الراجر الى بيشورهم بص على نظرات عنيه عامله ازاى من ناحيتها كانها عملتله حاجه لازم نقول للظلم لالالالالالالالالالالالالالالالالالالالالالالالالا
Comment بواسطة نور عمار — أكتوبر 21, 2008 @ 2:51 ص |
والله كل اللى بيحصل فينا قليل القليل عشان احنا نستاهل اكتر من كده من كتر خوفنا موووووووووووتنا
لازم الشعب ده يفوق ويصحه من قبره لازم البدايه تكون لها نهايه ما من طيرا علي في السماء الا ما بعد ما علي وقع لابد ان نفكر جمعيا في هذة المساه اخوكم في الله ابو عبد الرحمن والله الموافق والى لقاء اخر ان شاء الله
Comment بواسطة ali — أكتوبر 29, 2008 @ 8:02 ص |
احنا ليه مبقاش عندنا كرامة للدرجة دي
لازم الشرطة تحترم نفسها وتعاملنا كبشر من غير بلطجة شوفوا المظاهرة اللي في اليونان وايطالياالشعب كله بيطلع عشان حجات اقل من عندنا
لازم نغير البلد بدل ما تضيع
Comment بواسطة أحمد — ديسمبر 12, 2008 @ 11:17 م |
اسعد الله ايامك تدوينه رائعه
Comment بواسطة على — مايو 15, 2009 @ 7:11 ص |