مشهد إرتجالى طويل من فيلم طويل جداً لحياة حلوة تستاهل حلم يكمل

الدنيا بطلت تمطر،
ممكن دلوقتى يكملوا تصوير..
التصوير ده لفيلم غريب شوية..
مكتوب فيه مشاهد عبثثية كلها..
وبترمى البطل والبطلة فى الأخر لعرض حياتى أرتجالى..
وممكن الارتجال اللى فيه يلغى كل المشاهد إللى اتصورت قبل كده..
منتج فاضى وبيغامر..
ومعاه وبدون ترتيب بطل وبطلة بيغامروا فى بحر الحياة..
الفيلم ده بدون مخرج مساعد بيعلى صوته مثلاً وقت التصوير..
لأ..
كله داير وفى إنتظار المشاهد المناسبة وإللى هيحددها البطلة والبطل..
الفيلم برضه ساعات أو ممكن يتعمل لمشاهده مونتاج وممكن جداً ميحصلش أى حاجه..
ويفضل زى ما هو ..
الدنيا بطلت تمطر..

عادى.. ده مجرد كلام

هو دايماً بيقول كده:
” يا جدع ده احنا عايشين فى بلد الواحد فيها لما بيضحك بيمسك قلبه وبيقول اللهم أجعله خير”.
هو دايماً بيحب يقول جمل ومصطلحات ..
أوقات كتيرة بتبقى معبرة عن إللى جواه وساعات بيقول كده برضه جزء من العمل الدعائى والأستعراض إللى بيحب يكون جواه وبيه طول الوقت..
بس إمبارح وفى عز فرحتى فجأه لقيتنى موجوع وحاطط إيدى على صدرى..
بالظبط على ضلعى إللى فيه شرح مش عاوز يلتئم..
ممكن يكون إلتئم خلاص..
بس الوجع لسه جوايا..
لسه حاسس بيه..
إسلام نبيه أخد 3 سنين سجن..
ورضا فتحى أخد برضه 3 سنين سجن..
وعماد الكبير قال أنه حقه رجعله وهو مش عاوز غير كده..
أخد حقه بوائل عبد الفتاح وبناصر أمين وبمدونين مصريين ولا كان يعرفهم ولا كانوا يعرفوه..
وائل وناصر وماك وأسد ونواره ولوبى ووائل عباس وناس كتير كتبوا وتابعوا مكنوش يعرفوه..
بس كانوا حاسين بيه قوى..

انا خايف جداً

أنا خايف جداً..
أو أقدر أقول أنى خفت جداً..
يمكن أنا متأكد تماماً أن ده كان أكتر وقت انا كنت محتاجلك فيه ..
أنانى ..
وماله ..
أنا عارف أنى انانى..
أوقات كتير أنا ببقى عارف ده وبقوله..
متنكريش أنى قلتلك قبل كده انى انانى..
بس مرة برضه قلتلك انا مش أنانى معاكى ..
ويا ريتنى كنت انانى معاكى علطول.
بيتهيألى المعادلة كان زمانها اختلفت..

أما آن للغريب أن يرى حِماك

1
بحس إنى مطمن ،
بحس بأمان غير عادى،
وقت ما بتعب،
وقت ما بحزن أو أتضايق..
بلاقيها موجوده..
وبتأكد لحظتها أنى كنت بدور عليها،
هى مش أى حد تانى..
لما بكلمها ورغم أننا ممكن يبان أننا بنتخانق إلا أنى طول المكالمة مثلاً بفضل أدور على كلمتين أو..
ببقى عاوز أسمع أى كلمة منهم..
ممكن بيها ينتهى أى حاجه مضايقانى مثلاً.
صحيح أنا يمكن الكلام إللى بيبقى نفسى أسمعه منها سمعته قبل كده ..
إلا أنى بيبقى عندى رغبه ولهفة بتقتلنى عشان أسمعه منها..
يمكن عمرى ما استنيت كلمة من حد أد ما انا عاوز أسمعه منها ..
منها هى بس.
سألتنى مرة أشمعنى أنا؟؟
وليه مش أى حد تانى؟؟؟
ماهو إللى فى حياتك كتير!!
وأحنا مختلفين تماماً….
ده كفايه موضوع ربنا والدين..

هو ده الجديد - لسه بحلم

هى لازم تكون كده..
أيام مشابهه لبعضها..
لكنها..
وبحسب المقاله ..
حاجه تزهق ..
بتصيب بحاله..
من الملل المركز..
إللى مكوناته عاوزة اربع مرات ضعفها ميه..
عشان يادوب يتظبط.. وتقدر تتعامل معاه..

مركب فى بحر بينا

وكأن الزمن وقف هنا..
وإنتى هناك..
بعيد..
مش بعيد قوى..
أصلاً مش بعيد خالص..
إنتى هنا برضه…
بس بينا بحر ..
بحر يمكن مفيهوش غير مركبين..
أنا شايفهم من عندى كده..
أنتى شايفه من عندك أيه..

السر - محمد خير

لو كنت عارف حلّها

ما كنتش اتأخر ..

اللعبة دي – للأسف –

مافيهاش تعادل ..

حفل افتتاح “دار ملامح للنشر” دعوه عامه

بدعوكم لحضور حفل أفتتاح دار ملامح للنشر بمسرح روابط يوم الأثنين الموافق
10 سبتمبر 2007
الساعه 8 ونص بليل ..
عنوان مسرح روابط : 3 شارع حسين المعمار متفرع من محمود بسيونى. وسط البلد..

 

للمزيد من المعلومات : 0112771522 0227949885
ممكن كمان تكلمونى على تليفونى 0107920678
هيبقى فيه غنا ومزيكا ……
فاطمه عادل و محمد اسماعيل
أسامه فؤاد..
” فريق ديما”
عمر مصطفى
“bad apple band”

 

الدعوة عامه